In hierdie bedeling gaan ons vir onsself iets bevredigend moet
uitkap
Jacob, jy gaan sukkel om selfs die minderheid mense is SA te oortuig
dat die NSA misluk het. Dis eenvoudig onlogies dat kapitale
investering soos tans plaasvind deur 'n land se inwoners dui op 'n
mislukte staatsbedeling. Die waarheid is dat mense baie hoop het vir
die toekoms, en om die sout verder in te vryf, baie van hierdie
mense is vermoënde Afrikaners. Jy verwys dan inderdaad na 'n
ondergang wat nog moet kom ― wel sommige onder wie ek myself inreken,
het die ondergang al vroëer verwag, maar ek is bevrees Afrikaners
het maar net elke keer gesluk en die doelpale verskuif, want ons het
te veel om te verloor ― dit is nog nie naatenby desperaat genoeg nie.
Nee wat, ek glo die sg. ondergang van die NSA is 'n baie relatiewe
begrip, en juis daarom kom daar al weer mense terug uit die
buiteland. In hierdie bedeling gaan ons vir onsself iets bevredigend
moet uitkap.
Groete
Vaughn
boontoe
